Мен, Кеңес Әли Ратбекұлы, 2008 жылы 21 қазанда Астана қаласында дүниеге келдім. Қазіргі уақытта Жамбыл облысы, Тараз қаласында тұрамын.

     Алғашқы тәрбиемді Тараз қаласындағы №12 балабақшада алдым. 1-6 сынып аралығында И.В.Панфилов атындағы №39 мектеп-гимназиясында білім алдым.

     Бала кезімнен спортқа ерекше қызығушылық танытып, бокс спорт түрімен айналыса бастадым. 6-сыныпты аяқтағаннан кейін Олимпиадалық резервтің облыстық мамандандырылған спорт мектебіне оқуға түсіп, сол жерде білім алып, спорттық шеберлігімді шыңдадым. Бұл мектепте 9-сыныпқа дейін оқып, бокс бойынша тұрақты жаттығып, түрлі жарыстарға қатыстым.

     9-сыныпты аяқтағаннан кейін білімімді жалғастырып, Жамбыл жоғары медициналық колледжіне оқуға түстім. Қазіргі уақытта медицина саласы бойынша білім алып жүрмін.

     Менің басты мақсатым – спортта жоғары жетістіктерге жетіп, бокс арқылы ел намысын қорғау. Сонымен қатар, болашақта медицина саласында білім алып, адамдардың денсаулығын қорғап, оларға көмек көрсететін білікті маман болуды армандаймын.

     Спортқа деген сүйіспеншілігім мен адамдарға пайда келтіруге деген ниетім мені алға жетелеп, болашақта үлкен жетістіктерге жеткізетініне сенемін.