Лидер года

Сұлтанбек Бекасыл Тимурұлы


Менің атым – Сұлтанбек Бекасыл Тимурұлы. Мен 2009 жылы 30 қарашада Алматы қаласында дүниеге келдім. Кішкентай кезімде балабақшаға барып, алғашқы тәрбиемді отбасымнан алдым.

2016 жылы Алматы облысы, Еңбекшіқазақ ауданы, Шелек ауылындағы Абай атындағы қазақ орта мектебінің табалдырығын аттадым. Қазіргі таңда осы мектептің 11-сыныбында білім алып жүрмін.

Менің жақсы көретін пәндерім – математика, физика және география. Бұл пәндер менің ойлау қабілетімді дамытып, жаңа нәрселерді үйренуге деген қызығушылығымды арттырады. Әсіресе, есеп шығарып, әртүрлі тапсырмалардың шешімін табу маған ұнайды.

Бос уақытымда тоғызқұмалақ ойнағанды жақсы көремін. Бұл ойын мені шыдамдылыққа, ұқыптылыққа, логикалық ойлауға және әр қадамымды алдын ала жоспарлауға үйретеді. Менің ойымша, тоғызқұмалақ – адамның ақыл-ойын дамытатын ерекше ойындардың бірі.

Мен өзімді алдыма мақсат қоя білетін, ізденуге және жаңа білім алуға ұмтылатын оқушы ретінде қалыптастырғым келеді. Әрдайым білімімді жетілдіріп, өзіме сенімді болуға және бастаған ісімді соңына дейін жеткізуге тырысамын. Үлкендердің ақыл-кеңесін тыңдап, ұстаздарымның берген білімін бойыма сіңіруді маңызды деп санаймын.

Менің болашақтағы басты мақсатым – мектепті жақсы аяқтап, өзім қалаған жоғары оқу орнына түсу, сапалы білім алып, елге пайдасы тиетін азамат болу. Алдымда әлі талай мүмкіндік пен жаңа белестер бар. Сол мақсаттарыма жету үшін аянбай еңбек етіп, білімімді арттырып, өзімді жан-жақты дамытуға ниеттімін.

Мен үшін жетістікке жетудің басты жолы – еңбек, табандылық және өзіңе деген сенім. Болашақта ата-анамның үмітін ақтап, отбасыма қуаныш сыйлап, елімнің мақтанышына айналғым келеді.

Менің ойымша, әр адамның өз жолы мен арманы бар. Сол арманға жету үшін бүгіннен бастап әрекет ету керек. Сондықтан мен де өз болашағым үшін талмай ізденіп, алға қойған мақсаттарыма жетуге ұмтыламын.

Copyright © 2021 Everest. При использовании материалов ссылка на публикацию обязательна.

Сайт разработан группой разработчиков компании «ToWeb.kz». Заказать сайт.