Ислямханова Айсулу Еркінқызы 2017 жылғы 12 қыркүйекте Шығыс Қазақстан облысы, Өскемен қаласында дүниеге келген.
Айсулу – көпбалалы отбасының төртінші баласы. Оның екі ағасы, бір әпкесі және бір сіңлісі бар.
Әкесі Еркін – прокуратура органдарының отставкадағы әділет кеңесшісі. Қазіргі уақытта Шығыс Қазақстан облыстық адвокаттар алқасының адвокаты болып қызмет атқарады.
Анасы Айжан ұзақ жылдар бойы кеден қызметінде еңбек еткен. Қазіргі уақытта бес баланың тәрбиесімен айналысуда.
Қазіргі уақытта Айсулу Оралхан Бөкей атындағы №44 лицейінің 3-сынып оқушысы. Мектеп директоры – Жаңыл Қайырбекқызы Назарбаева.
Айсулудың спортқа деген қызығушылығы мен сүйіспеншілігінің қалыптасуына ата-анасының ықпалы зор. Олар қызының спортпен жүйелі түрде айналысуына, қабілеттерін дамытуына және жаңа жетістіктерге жетуіне әрдайым қолдау көрсетіп келеді.
Айсулу бес жасынан бастап көркем гимнастикамен айналыса бастады. Алғашқы жаттықтырушысы – Юлия Николаевна Родионова. Гимнастикамен шұғылдану барысында облыстық жарыстарға қатысып, жүлделі орындарға ие болды.
2023–2024 жылдары ағасы Таирдың футболға деген қызығушылығы Айсулуға да әсер етіп, ол футбол спортына ерекше ықылас таныта бастады.
2024 жылдың маусым айында Айсулу «Алтай» футбол клубында алғашқы жаттығуларын жаттықтырушы Рамазан Аглямович Мусинның жетекшілігімен бастады. Ол 2017–2018 жылы туған ұл балалармен бірге жаттығып, футболдағы алғашқы тәжірибесін жинақтады. Команда құрамында Қазақстанның түрлі қалаларында және Ресей Федерациясында өткен жарыстарға қатысып, жүлделі орындарға қол жеткізді. Сонымен қатар, өзінің ойын шеберлігімен ерекшеленіп, жеке марапаттарға да ие болды.
2026 жылдан бастап Айсулу «Алтай» футбол клубының қыздар командасының ойыншысы атанды. Алаңда қорғаушы позициясында ойнайды. Негізгі жаттықтырушысы – Екатерина Ивановна Эрбес.
Футболмен қатар Айсулу семсерлесу спортымен де белсенді айналысады. Ол Шығыс Қазақстан облысының 2017 жылы туған спортшыларынан құралған семсерлесу командасының мүшесі. Жаттықтырушысы – Бокова Анна Павловна. Семсерлесуден өтетін облыстық чемпионаттарға қатысып, жүлделі орындарға ие болып келеді.
Айсулу – спортқа құштар, ізденімпаз, еңбекқор және алға қойған мақсатына ұмтылатын жас спортшы. Ол білім мен спортты қатар алып жүріп, түрлі спорттық бағыттарда өз қабілетін шыңдап келеді. Алдағы уақытта да биік белестерді бағындырып, туған өлкесінің және елінің мақтанышына айналуды мақсат етеді.
Copyright © 2021 Everest. При использовании материалов ссылка на публикацию обязательна.
Сайт разработан группой разработчиков компании «ToWeb.kz». Заказать сайт.

