Қазақстанда өскелең ұрпақтың спорт пен өнерді қатар алып, биік жетістіктерге жетіп жүргені қуантады. Солардың бірі – жас спортшы, дарынды қызымыз Базарбай Кәусәр Бахытжанқызы.

Кәусәр 2012 жылдың 10 сәуірінде елордамыз – Астана қаласында дүниеге келген. Бала кезінен-ақ ол белсенділігімен, еңбекқорлығымен және талпынысымен ерекшеленді.

Төрт жасынан бастап көркем гимнастикаға қатысып, алғашқы қадамдарын спортта жасады. Мектеп жасына келгенде өнерге де қызығушылық танытып, вокал үйірмесінде ән айту шеберлігін шыңдады. Қазіргі уақытта Кәусәр – мектепте үздік оқушылардың бірі.

Спорттағы жетістіктері ерекше атап өтуге тұрарлық. Ол каратэмен шұғылданып, қысқа уақыт ішінде жоғары нәтижелерге қол жеткізді. Бүгінде каратэ спортынан спорт шеберіне үміткер атағына ие болып қана қоймай, Қазақстан Республикасының чемпионы атанды.

Бұл жетістіктер Кәусәрдің табандылығы мен мақсаткерлігінің айқын дәлелі. Оның өмір жолы жасөспірімдерге үлгі болып, спорт пен өнерді қатар дамытуға болатынын көрсетеді.

Жас чемпионның алдағы уақыттағы үлкен белестерді бағындырып, ел намысын халықаралық ареналарда қорғайтынына сенім мол.